by Mavzu davomida
15 ҳафта: ҳомилангиз катталиги гўёки лимондек
Бу ҳафта болангизнинг вазни атиги 70 граммни ташкил қилади. У ҳали жуда кичкина, аммо уйғоқ бўлганда жуда кўп ҳаракат қилади. Унинг юзининг ён томонида жойлашган кўзлари энди қаерда бўлиши керак бўлса, шу ерда жойлашган. Ушбу босқичда, УТТда сиз унинг нафас олиш ҳаракатларини аниқ кўришингиз мумкин; бола эмишни ва ютишни бошлайди. Ушбу кўникмаларни эрта босқичда қўллаш, туғилган вақтда болангиз тажрибали бўлишини англатади.
Ҳомиладорликнинг 15 ҳафтасида, сиз интизор бўлиб кутган энергия миқдори ниҳоят қайтиб келади. Сиз энди одатдагидек овқатланишдан завқланаётганингизни ва улардан қўрқишнинг ўрнига овқатланишни сабрсизлик билан кутаётганингизни пайқашингиз мумкин. Танангиз соғлом бўлишига ва болангизнинг ўсишини қўллаб-қувватлашга ёрдам берадиган турли хил овқатларни истеъмол қилишга ҳаракат қилинг.
Ҳомиладорлик пайтида аёллар овқатланишни чекламасликлари ва турли хил таъм ва хушбўй ҳидли таомларни истеъмол қилишлари кераклиги ҳақидаги тавсияларни тасдиқловчи далиллар мавжуд. Бу боланинг одатдаги овқатни истеъмол қилишни бошлаганидан кейин турли хил овқатларни қабул қилишга тайёрлигига ижобий таъсир қилади. Агар уларнинг таъм сезиш ретсепторлари амнион суюқлик орқали турли хил хушбўй ҳидлар билан аллақачон “таниш” бўлса, улар баъзи бир овқатлардан юз ўгирмасликка мойил бўлади.
Менга ҳеч нарса тўғри келмаяпти!
Бу вақтга келиб, сизда қорин пайдо бўлиши ёки бўлмаслиги мумкин. Аммо сиз, албатта, ҳомиладорлигингизни сезасиз ва агар бир мунча вақт туриб қолсангиз, оёқларингиз ва белингиз оғриётганини ҳис қилишингиз мумкин. Сиз таёқ билан юриш босқичида эмассиз, аммо барибир баъзи бир ўзгаришлар мавжуд бўлади.
Сизнинг ухлаш одатингиз ҳам ўзгариши мумкин, чунки сиз қулайроқ жойни топиш учун тўшакда кўп бир тарафдан иккинчисига кўп айланишингиз керак бўлади. Агар сиз одатда қоринда ухлаган бўлсангиз, унда уйқунгиз тобора қийинлашиб бораётганини сезишингиз мумкин, чунки сизнинг қорнингиз энди халақит беради. Сиз танангиз ва оёқларингиз билан қучоқлашингиз мумкин бўлган узун ёстиқ сотиб олиш ҳақида ўйлаб кўринг. Уйқу пайтида бу жуда яхши ёрдам бериши мумкин ва сиз ҳомиладорликнинг охирига қадар сарфланган пул учун фойда олганингизни сезасиз.
15 ҳафтада танангиздаги жисмоний ўзгаришлар
Агар сизнинг пояфзалингиз бироз тор бўлса, ҳайрон бўлманг. Бу сизнинг тасаввурингиз эмас. Ҳомиладорликнинг муҳим гормони бўлган прогестерон тос минтақасида бойламларни бўшаштиришни аъло даражада эплайди, аммо бу билан унинг таъсири тугамайди. Сиз ҳомиладорликнинг охирига келиб, пояфзалингиз ҳажми камида икки баравар, эҳтимол ундан ҳам катталашишини билиб олишингиз мумкин.
Ўзингиз билан салфеткалар олиб юринг. Агар сизда ҳеч қачон бурундан қон кетиш бўлмаган бўлса, ва ҳозир улар бошланса, хавотирланманг. Веноз тўпланишлар сизни бурун оқиши, бурун битиши ва бурундан қон кетишларга мойил қилиб қўяди. Бурундан қон кетиш одатда ўз-ўзидан тўхтайди, лекин ваҳима қилмаслик муҳим ва ўз-ўзидан ўтиб кетгунча кутиш керак.
Терингиз қандай тозаланаётганига эътибор бердингизми? Юзингизда пайдо бўлган ҳуснбузарлар йўқ бўлиб кетиши мумкин ва терингиз яна тоза бўлади. Доимий тозалаш ва намлаш режимини сақланг. Сиз терингиз ёғлироқ бўлиб қолганини сезишингиз мумкин ва сизнинг хоҳишингизга кўра намлантирувчи кремни ўзгартиришингиз керак бўлади.
Ҳозир сизнинг кўкракларингиз танангизнинг энг катта қисми сифатида кўриниши мумкин. Худди уларни оғирроқ, сезгир ва оғриқли қиладиган кнопка ёқилгандек. Агар сиз одатдаги бюстгалтерингиз етарлича катта эмаслигини сезсангиз, ҳомиладорлар бюстгалтерини сотиб олиш вақти келди. Улар ҳомиладорлик пайтида гардеробнинг муҳим элементи ҳисобланади.
15 ҳафтада сиздаги ҳиссий ўзгаришлар
Она-табиатни ҳис қиляпсизми? Бу ажабланарли эмас. Ҳомиладорликнинг иккинчи уч ойлигида сиз гормонлар билан тўлганингизда ва табиат билан уйғунликни ҳис қилганингизда жуда муҳим нимадир содир болаётгандай ҳис қиласиз. Табиатдан бошқа ҳеч нарса сизга ёрдам бермайдигандек туюладиган ушбу ўзгача вақтдан завқланинг. Ёга, массаж, аквааеробика ёки тайсзи билан шуғулланишни ўйлаб кўринг. Ички ҳиссиётларигиз билан алоқа – бу сиз ҳатто тасаввур ҳам қилмаган даражада жуда қизиқарлидир.
Кун ёки туннинг исталган вақтида катталашишини кутиб, доимий равишда қорнингизга қараётганингизни сезишингиз мумкин. Баъзан сиз каттароқ эканлигингизга амин бўлишингиз мумкин, баъзида эса йўқ. Бу, албатта, бачадонингиз ичида нима содир бўлишига боғлиқ. Агар сизнинг ошқозонингиз тўла бўлса, бу сизнинг қорнингизнинг янада катталашишига олиб келади.
Туғруққача ҳали узоқ деган фикр чексиз бўлиб туюлиши мумкин. Гарчи сиз қорнингизда жуда кўп нарса содир бўлаётганини билсангиз ҳам, уларнинг ҳаммаси ҳали кўзга кўринмайди. Ҳар куни сизга завқ бағишлайдиган, иш ёки болага боғлиқ бўлмаган машғулот қилишга ҳаракат қилинг. Сиз одамсиз ва сизнинг шахсий манфаатларингиз бор, уларни ҳомиладор бўлганингиз учун тўхташ керак эмас.
15 ҳафта болангиздаги ўзгаришилар
Бу ҳафтада қўл ва оёқлар жуда кўп силкитилади – сизнинг фарзандингиз чиндан ҳам австралияча рақс ижро этмоқда! Ҳаракатларда мувофиқлик йўқ, шунчаки тартибсиз ҳаракатлар, кейин эса куч йиғиш учун узоқ вақт уйқу. Бир-икки ҳафта кутинг, шунда сиз бу ҳаракатларнинг ҳаммасини ҳис қила бошлайсиз.
Ушбу ҳафтада болангизнинг ички қулоғида учта кичик суяк пайдо бўлишни бошлайди, шунинг учун ҳам у сизни эшита олади. Унга қўшиқ айтиш, саломлашиш ва умуман ўртангизда бутун умр давом этадиган ҳиссий алоқани яратишни машқ қилинг.
Энди болангизнинг оёқлари қўлларидан узунроқ, кичкина боши эса танасининг энг катта қисми ҳисобланмайди. Унинг танаси узаяди ва энди у қадар эгилмаган ва букланмаган.
15 ҳафта учун маслаҳатлар
Ҳар куни кўп миқдорда тоза, янги сув ичинг. Ундаги фторид болангизнинг тишларини шакллантиришга ва ҳимоя эмалини яратишга ёрдам беради. У шунингдек, сўлагингизни суюлтиришга ва сизни ҳушёр бўлишингизга ёрдам беради.
Сийдик йўллари инфексияларидан сақланинг. Бу ҳомиладорлик пайтида тез-тез учрайдиган ҳолат ва гарчи жиддий муаммо бўлмаса ҳам, у сизни безовта қилиши мумкин. Кўп миқдорда сув ичинг, ҳожатдан кейин – олд томондан орқага қараб артинг, аксинча эмас. Жинсий алоқадан олдин ва кейин, ҳожатга боринг ва сийдик пуфагингизни бўшатинг. Агар сиз кичик ҳожатга борганингизда ачишиш ҳисси билан боғлиқ муаммоларга дуч келсангиз ёки ғалати ҳид пайдо бўлса, шифокорингизга мурожаат қилинг.
Клюква шарбати яхши ҳимоя хоссаларига эга, шунингдек унда “К” витамини миқдори кўп. Бу сизнинг организмингизга озиқ-овқатдан темирнинг сўрилишига ёрдам беради ва болангизда бириктирувчи тўқима ҳосил бўлишига ёрдам беради.
Бола исмларини ўйлашга эрта эмас. Сизда сиз доим ёқтирган севимли исмлар бўлиши мумкин ёки бу ҳақда ҳали ўйлаб кўрмаган бўлишингиз ҳам мумкин.
