Mavzu davomida
10 ҳафта: ҳомилангиз катталиги гўёки ўрикдек
Ҳомиладорликнинг 10 ҳафтасидан то туғруққача, болангиздаги кўп ўзгаришлар уларнинг ўсиши ва етилишига қаратилган бўлади. Ҳозир ҳомилангиз митти одам шаклидадир. Ҳозирги вақтда уларнинг барча органлари шаклланган ва улар 40 ҳафтага яқин туғилганда мустақил ҳаётни олиб боришга тайёрланяпти. Ҳомиладорликнинг 10 ҳафталигидан кейин болангизда жисмоний деформатсиянинг ривожланиш эҳтимоли кам. Аммо ҳомиладорлик пайтида жуда эҳтиёт бўлиш барибир муҳимдир. Улар ривожланишининг бошқа муҳим жиҳатлари ҳомиладорликнинг бутун муддати давомида ривожланиб бораверади.
Нега саволлар жуда кўп?
Ҳомиладорликнинг 10 ҳафтасида сиз ҳомиладорликнинг 1-триместри тугашини сезишингиз мумкин. Кўплаб аёллар уни 3 та триместрдан энг оғири деб билишади, чунки ҳомиладорликнинг дастлабки симптомлари жуда ҳолсизлантириши мумкин. Баъзи аёллар 10 ҳафтадан кейин бироз тинчланишади, ҳомиланинг тушиш эҳтимоли камаяди ва бола ҳақидаги ёқимли ҳаяжон бошланади. Болалар кийимларини харид қилишни бошлашга жуда эртами? Бошқаларга ҳомиладорлигимиз ҳақида айтиб беришимиз керакми? Болани ахволи яхши бўладими? Мен қандай она бўламан? Ушбу ва миллионлаб бошқа саволлар энди сизнинг онгингизни тўлдиради ва бу мутлақо нормал ҳолат.
10 ҳафтада танангиздаги жисмоний ўзгаришлар
Бу ҳафтада сиз ўз ҳомилангизни, ёки аниқроғи бачадонигизни, яна бирон бир мева билан солиштириш имкониятини қўлдан бой бермайсиз. Ҳомиладорликнинг 10 ҳафтасида сизнинг бачадонингиз ўлчами грейфурт ҳажмига тўғри келади.
Сизнинг сонларингиз бироз катталашади, аммо сизнинг эластик шимларингиз ва юбкаларингиз ҳали ҳам сизга тўғри келади. Бу сизнинг қорнингиз шимингиздан бироз кўтарилиб турадиган вақт, лекин бу сизнинг ортиқча еганингиздан эмас, балки сизнинг ичингиздаги кичик ширинтойингиздан.
Бу ҳафтада кўнгил айниш ҳақида жиддий янгиликлар бўлмаслиги керак, аммо шошилманг. Ҳар доим ёнингизда контейнер олиб юринг, чунки сизни ошқозонингиз ҳали ҳам безовта қилиши мумкин. Осон ҳазм бўладиган озиқ-овқатларни истеъмол қилинг ва ўзингиз овқат тайёрлашга қийналсангиз, эрингиздан овқат тайёрлаб беришини сўранг.
Бу қандай шовқин эди?
Ҳомиладорлик пайтида сиз одамлардан кўп маротаба кечирим сўрашингизга тўғри келиши мумкин. Газлар бемаврид вақтда пайдо бўлади. Сиз ўзингизда нимадир бўляпти деб ўйламанг. Кўп миқдорда газ ҳосил бўлиши – кенг тарқалган, аммо кам муҳокама қилинадиган ҳомиладорлик белгиси ҳисобланади. Баъзи маҳсулотлар бу ҳолатни оғирлаштириши мумкин, шунинг учун уларни истеъмол қилмаслик керак. Нўхат, яшил баргли сабзавотлар, клетчатка кўп бўлган дон ва ўсимликлар сизнинг асосий рақибларингиз бўлиши мумкин.
10 ҳафтада сиздаги ҳиссий ўзгаришлар
Сиз одатдагидан кўра кўпроқ хурофий бўлиб қолишингиз мумкин. Ҳақиқат ва фанни мувозанатлашга ҳаракат қилинг. Аксарият аёлларда ҳомиладорлик ва туғруқ тажрибалари ҳақида севимли ҳикоялар мавжуд. Эшитишни хоҳламаган нарсаларингизни филтрлашни ўрганинг.
Орзу қилинг. Ҳомиладорлик – бу орзулар бутунлай янги ўлчамга эга бўладиган вақт. Улар жуда ғалати, етарлича қўрқинчли ва ҳеч қандай маънога эга бўлмаслиги мумкин. Аммо орзуингиздан бирон бир маънони ёки яширин хабарларни қидирманг. Тушлар – бизнинг онгимизни филтрлаш ва кун давомида тўпланган кераксиз маълумотлардан қутулиш воситаларидан биридир.
Сиз ишлайдиган бўлсангиз, ўзингизнинг иш мажбуриятларингизни тахминан 10 ҳафтадан бошлаб фикран ташкил қилишингиз мумкин. Сизнинг декрет таътилига ҳуқуқингиз, қанча вақт ишда бўлмасликни хоҳлашингиз ва фақат таътил пулига қандай яшаш тўғрисида ўйлашингиз учун кўп вақт талаб этилади.
Сиз ўзингизни озгина зерикарли ва ёқимсиз ҳис қилишингиз мумкин. Ташқи томондан, сиз ҳали ҳам ҳомиладордек кўринмайсиз, ҳудди семирганга ўхшайсиз. Сизга завқ келтирадиган баъзи майда-чуйда нарсалардан воз кечманг. Массаж, сартарош ёки дўконларни айланиш – буларнинг барчаси сизни ёшартиради ва кайфиятингизни яхшилайди.
10 ҳафтада болангиздаги ўзгаришлар
Сизнинг бўлажак фарзандингизни мева билан одатдагидек солиштириш вақти келди! Бу ҳафтада сизнинг болангиз ўлчами қора олхўри ёки ўрикнинг ўлчамидек бўлади.
10 ҳафтага қадар болангизнинг қўл ва оёқ бармоқлари аллақачон шаклланган бўлиб, уларда тирноқлар ривожлана бошлайди. Бу ҳафтада болангиз энди қўлларини тирсак ва билаклар соҳасида букиши мумкин.
Кичкинтойингизнинг барча ҳаётий муҳим органлари туъгилганда бўлиши керак бўлган жойда жойлашади. Шу пайтдан бошлаб, улар етилишни ва ривожланишни бошлайди, бачадондан ташқаридаги ҳаётга тайёрланади.
Болангиз буйраклари ўзининг қонини филтрлашни ва сийдик ишлаб чиқаришни ўрганган. Шунингдек, улар ошқозонда меъда ширасини ишлаб чиқаради ва улар яқинда сўрилшни бошлайдиган амниотик суюқлик билан ишлашга тайёрланадилар.

Агар болангиз ўғил бўлса, унинг мояклари энг муҳим эркаклик жинсий гормони бўлган тестостеронни ишлаб чиқаришни бошлайди.
Болангизнинг боши танасининг қолган қисмига нисбатан ҳали ҳам катта, аммо 10 ҳафтадан бошлаб унинг бўйни бўлади ва юзидаги барча суяклар шаклланади. Бу шуни англатадики, ушбу босқичда сиз УТТда уларни яхшироқ кўра оласиз.
Лануго деб номланган ингичка сочлар қатлами болангизнинг танасини қоплай бошлайди. Унинг ички ва ташқи қулоғи, тиш куртаклари ва кўзлари тўлиқ ривожланган бўлади.
10 ҳафта учун маслаҳатлар
Оддий кофеинли чой ва кофе ўрнига ўтли чойлар билан тажриба қилинг. Улар одатда ҳозир сиз учун яхши ва одатий иссиқ ичимликларнинг ёқимли алтернативаси ҳисобланади.
Бу ҳафта сут ва калсий истеъмол қилишни кўпайтиришга ҳаракат қилинг. Ушбу ҳафтада болангизнинг тиш куртаклари шаклланади, шунинг учун таркибида ушбу муҳим озиқ модда юқори миқдорда бўлган ҳар қандай озиқ-овқат болангизнинг тишларига ижобий таъсир кўрсатади. Бу ҳафтада сиз, ҳароратингизни ва болангизнинг тишлари ривожланиши билан боғлиқ муаммоларни келтириб чиқариши мумкин бўлган ҳар қандай инфексиядан қочишга ҳаракат қилинг. Ҳар доим ўзингиз билан бош айланиши сезиладиган вазиятларни олдини олиҳ учун ейишга нарса олиб юринг. Тўғри овқатланиш билан боғлиқ муаммолар туфайли қондаги қанд миқдори баъзан камайиши мумкин. Агар сиз ўтирган ҳолатда бўлсангиз, жуда тез туриб кетмасликка ҳаракат қилинг. Тураётганингизда артериал босимни тартибга солиш учун ўз танангизга вақт беринг.